Transcription
1
Monsieur, tout astheure lon me vient dasseurer
2
que le partement de monsieur de Montbrun est retardé
3
et ma ton promys que devant qui sen partira, men
4
advertir. Lon ma escript que le seigneur de
5
Genly a compangné de six mil hommes de pied et
6
de quarante cornettes de cavallerie, voullant
7
surprendre le Casteau Cambresy, le duc d’Albe
8
les a faict attraper en chemyn, sy bien quilz ont
9
estés tous desfaictz, ormys ledit seigneur de
10
Genly qui cest saulvé avec tout cinquante ou
11
soixante chevaulx et quant à ceulx qui sont
12
prisoniers, lon masseure que le duc d’Albe
13
en faict une terrible justice, que sera la
14
fin, après vous avoyr supplié me commander
15
vostre vouloyr pour icelluy toute ma vie
16
acomplir daussi bon cueur que me recommande
17
très humblement à vostre bonne grace, priant Dieu
18
Monsieur, qui vous ayt en sa garde. De vostre maison
19
de Montoyson, ce IIIIme daoust 1572
20
Vostre humble et au
21
beisant servyteur
22
Montoyson.